غدر کے ہنگامے کے بعد جب پکڑ دھکڑ شروع ہوئی تو مرزاغالبؔ کو بھی بلایا گیا۔ یہ کرنل براؤن کے روبرو پیش ہوئے تو وہی کلاہ پیاخ جو یہ پہنا کرتے تھے، حسب معمول ان کے سر پر تھی۔ جس کی وجہ سے کچھ عجیب و غریب وضع قطع معلوم ہوتی تھی۔ انہیں دیکھ کر کرنل براؤن نے کہا،
’’ویل مرزا صاحب تم مسلمان ہے؟‘‘
’’آدھا مسلمان ہوں‘‘
کرنل براؤن نے تعجب سے کہا،
’’آدھا مسلمان کیا؟ اس کا مطلب؟‘‘
’’شراب پیتا ہوں، سور نہیں کھاتا۔‘‘ میرزا صاحب فوراً بولے،
یہ سن کر کرنل براؤن بہت محظوظ ہوا اور مرزا صاحب کو اعزاز کے ساتھ رخصت کردیا۔
مرزا غالب