اسیر وقت ہے تو میں ہوں وقت سے آزاد ترے عروج سے اچھا مرے زوال کا رنگ اعجاز صدیقی

نہ ہٹا اس کو مرے جسم سے اے جان حیات ہاتھ تیرا مرے زخموں کو دوا لگتا ہے اعجاز صدیقی

زندگی ہے نام اس کا تازگی ہے کام اس کا ایک موج خوں دل سے جو ابلتی رہتی ہے اعجاز صدیقی

زور طوفاں تو بہ ہر حال ہے زور طوفاں کس سے ٹکرائے گی موج اپنی کناروں کے سوا اعجاز صدیقی

پھر ذرا سی دیر میں چونکائے گا خواب سحر آخر شب جاگنے کے بعد نیند آئی تو کیا اعجاز صدیقی

ارباب چمن اپنی بہاروں سے یہ پوچھیں دامان گل و غنچہ میں کیوں آگ لگی ہے اعجاز صدیقی

خوابوں کی ناؤ اور سمندر کا مد و جزر ٹکرا کے پاش پاش اسے ہو جانا چاہئے اعجاز صدیقی

دنیا سبب شورش غم پوچھ رہی ہے اک مہر خموشی ہے کہ ہونٹوں پہ لگی ہے اعجاز صدیقی

آج بھی بری کیا ہے کل بھی یہ بری کیا تھی اس کا نام دنیا ہے یہ بدلتی رہتی ہے اعجاز صدیقی

اور ذکر کیا کیجے اپنے دل کی حالت کا کچھ بگڑتی رہتی ہے کچھ سنبھلتی رہتی ہے اعجاز صدیقی