کوٹ پینٹ کی شان بڑھائے سردی بھی کچھ دور بھگائے گلے میں جس کو باندھے بھائی اے سکھی مفلر نا سکھی ٹائی عادل اسیر دہلوی

جب جنگل میں بھاگے ہے وہ دوڑ میں سب سے آگے ہے وہ شیر بھی اس سے دوڑ نہ جیتا اے سکھی ہرنی نا سکھی

بارش میں وہ ناچ دکھائے دوڑے جھومے پر پھیلائے چڑیا گھر میں جس کا شور اے سکھی کوئل نا سکھی مور عادل اسیر دہلوی

نرم ملائم جی للچائے منہ میں میرے پانی آئے دیکھ کے اس کا پیارا جلوہ اے سکھی لڈو نا سکھی حلوہ عادل اسیر دہلوی

میں جو کروں وہ کر کے دکھائے نقل اتارے شور مچائے اچھلے کودے باہر اندر اے سکھی بچہ نا سکھی بندر عادل اسیر دہلوی

دیکھوں تو مرا جی للچائے نئے رنگ اور سواد میں آئے ناریل چاکلیٹ آم اور کافی اے سکھی بسکٹ نا سکھی ٹافی عادل اسیر دہلوی

میٹھی چیزیں کھائیں گے ہم نئے نئے کپڑے لائیں گے ہم جب بھی ہوگی اس کی دید اے سکھی میلہ نا سکھی عید عادل اسیر

موسیقی کا ماہر بھی تھا صوفی بھی تھا شاعر بھی تھا کوئی اس کا نام تو بوجھو اے سکھی غالب نا سکھی خسروؔ عادل اسیر

خوب ہرے پتوں کی سبزی خون بڑھانے والی سبزی شوق سے کھائے ہر اک بالک اے سکھی شلجم نا سکھی پالک عادل اسیر دہلوی

پیڑوں پر بھی وہ چڑھ جائے شہد کا چھتا توڑ کے کھائے بھاتے نہیں ہیں اس کو آلو اے سکھی بندر نا سکھی بھالو عادل

کھیت میں اپجے جڑ کہلائے بچہ بوڑھا شوق سے کھائے گھر میں وہ آتی ہے اکثر اے سکھی مولی نا سکھی گاجر عادل اسیر دہلوی

تہذیبوں کی شان ہے اس میں سارا ہندوستان ہے اس میں دنیا بھر میں جس کی خوشبو اے سکھی انگلش نا سکھی اردو عادل اسیر