ساحل پہ کھڑے ہو تمہیں کیا غم چلے جانا میں ڈوب رہا ہوں ابھی ڈوبا تو نہیں ہوں آفتاب مضطر

کیوں شور بپا ہے ذرا دیکھو تو نکل کر میں اس کی گلی سے ابھی گزرا تو نہیں ہوں آفتاب مضطر

ان کے لیے لڑ جاؤں گا تقدیر میں تجھ سے حالانکہ کبھی تجھ سے میں الجھا تو نہیں ہوں آفتاب مضطر

چپ چاپ سہی مصلحتاً وقت کے ہاتھوں مجبور سہی وقت سے ہارا تو نہیں ہوں آفتاب مضطر

مضطرؔ مجھے کیوں دیکھتا رہتا ہے زمانہ دیوانہ سہی ان کا تماشا تو نہیں ہوں آفتاب مضطر