بھول جاتا ہوں سبھی جور و جفا کے قصے جب کوئی گیت محبت کے سناتا ہے مجھے طالب چکوالی

قدر و قیمت کو بڑھانے کا بڑھاوا دے کر بہر نیلام کہاں دل لئے جاتا ہے مجھے طالب چکوالی

میرا آئینہ مری شکل دکھاتا ہے مجھے یہ وہ اپنا ہے جو بیگانہ بتاتا ہے مجھے طالب چکوالی

رواداری کو ہم سمجھے ہوئے ہیں درد کا درماں محبت کو دل مجروح کا مرہم سمجھتے ہیں طالب چکوالی

وہ کہتے ہیں کہ ہنسنا ہے دل انساں کی کمزوری نوائے زندگی کو زیست کا ماتم سمجھتے ہیں طالب چکوالی

غم دل کی زباں اہل تشدد کم سمجھتے ہیں نہ دل کو دل سمجھتے ہیں نہ غم کو غم سمجھتے ہیں طالب چکوالی

احساس کا دھوکا ہے یہ جذبات کا جادو اپنوں کی عداوت بھی محبت سی لگے ہے طالب چکوالی

روداد محبت کی کسی کو نہ سناؤ کچھ لوگ ہیں جن کو یہ شکایت سی لگے ہے طالب چکوالی

بے کیف مسرت بھی مصیبت سی لگے ہے اے دوست مجھے غم کی ضرورت سی لگے ہے طالب چکوالی

جنون حسن حد لا شعور تک پہنچا شعور سر بہ گریباں ہے دیکھیے کیا ہو طالب چکوالی

وہ تو ہماری بات کو سمجھیں گے کس طرح جن کا دماغ تو ہے مگر جن کا دل نہیں طالب چکوالی

شعلے کہاں سے آئیں گے کیسے کھلیں گے پھول زخموں کی آگ دل میں اگر مستقل نہیں طالب چکوالی