درد الفت کا نہ ہو تو زندگی کا کیا مزا آہ و زاری زندگی ہے بے قراری زندگی غلام بھیک نیرنگ

کہتے ہیں عید ہے آج اپنی بھی عید ہوتی ہم کو اگر میسر جاناں کی دید ہوتی غلام بھیک نیرنگ

میرے پہلو میں تم آؤ یہ کہاں میرے نصیب یہ بھی کیا کم ہے تصور میں تو آ جاتے ہو غلام بھیک نیرنگ

محو دید چمن شوق ہے پھر دیدۂ شوق گل شاداب وہی بلبل شیدا ہے وہی غلام بھیک نیرنگ

آہ کل تک وہ نوازش آج اتنی بے رخی کچھ تو نسبت چاہئے انجام کو آغاز سے غلام بھیک نیرنگ

ناز نے پھر کیا آغاز وہ انداز نیاز حسن جاں سوز کو پھر سوز کا دعویٰ ہے وہی غلام بھیک نیرنگ

دانہ و دام سنبھالا مرے صیاد نے پھر اپنی گردن ہے وہی عشق کا پھندا ہے وہی غلام بھیک نیرنگ

دل گئے ایماں گئے عقلیں گئیں جانیں گئیں تم نے کیا کیا کر دکھایا اک نگاہ ناز سے غلام بھیک نیرنگ

کٹ گئی بے مدعا ساری کی ساری زندگی زندگی سی زندگی ہے یہ ہماری زندگی غلام بھیک نیرنگ

کبھی صورت جو مجھے آ کے دکھا جاتے ہو دن مری زیست کے کچھ اور بڑھا جاتے ہو غلام بھیک نیرنگ

پھر وہی ہم ہیں خیال رخ زیبا ہے وہی سر شوریدہ وہی عشق کا سودا ہے وہی غلام بھیک نیرنگ

مرے پہلو سے جو نکلے وہ مری جاں ہو کر رہ گیا شوق دل زار میں ارماں ہو کر غلام بھیک نیرنگ