اب کے سودا تو مرے سر سے بہت آگے تھا کیا ارادہ کسی پتھر سے بہت آگے تھا آپ کو کیسے خبر ہو گئی جلنے کی مرے آپ کا گھر تو مرے گھر سے بہت آگے تھا وہ تو کہئے کہ نگاہیں نہیں لوٹیں ورنہ ایک منظر پس منظر سے بہت آگے تھا آپ نے پیاس کی شدت نہیں دیکھی ورنہ ایک اک قطرہ سمندر سے بہت آگے تھا جانے کس وادئ خاموش میں روپوش ہوا ہاں وہی شخص جو لشکر سے بہت آگے تھا اک عجب ڈر مری رگ رگ میں سمایا تھا شمیمؔ ایک احساس مگر ڈر سے بہت آگے تھا
شمیم فاروقی
![اب کے سودا تو مرے سر سے بہت آگے تھا 1 IMG 20240311 005241](https://iztirab.com/wp-content/uploads/2024/03/IMG_20240311_005241.jpg)