اس سے ہی چلتی ہے سانسوں کی روانی لوگو مجھ سے مت چھینو مری آنکھ کا پانی لوگو پارساؤی کی گواہی تو نہ مانگو اس سے تنہا بیوہ نے گزاری ہے جوانی لوگو ہم بیابانوں کے عادی تھے کہیں پر نہ بسے دشت تنہائی میں کی نقل مکانی لوگو آگہی کرب کے امکان بڑھا دیتی ہے مت بتاؤ مجھے انجام کہانی لوگو اس کی تصویر کو چپکے سے جلایا میں نے وہ تھی کم ظرف محبت کی نشانی لوگو اک نیا خواب میں پلکوں پہ سجاؤں کیسے دل میں باقی ہے ابھی یاد پرانی لوگو ہم کہ سادہ رہے جدت میں نہ ڈھالا خود کو .ہم کو آئے ہی نہیں طور زمانی لوگو
عاصمہ فراز
![اس سے ہی چلتی ہے سانسوں کی روانی لوگو 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)