اس کو دنیا اور نہ عقبیٰ چاہیے قیس لیلیٰ کا ہے لیلیٰ چاہیے اب جو کچھ کرنا ہے کرنا چاہیے آج ہی سے فکر فردا چاہیے ان بتوں سے دل لگانے کے لیے سچ ہے پتھر کا کلیجہ چاہیے دیکھنا ان کا تو قسمت میں نہیں دیکھنے والے کو دیکھا چاہیے وہ نہیں آئے تو وعدے پر نہ آئیں اے اجل تجھ کو تو آنا چاہیے مجھ سے نفرت ہے تو نفرت ہی سہی چاہیے غیروں کو اچھا چاہیے خلد والوں کو دکھانے کے لیے اک ترے کوچہ کا نقشہ چاہیے آ کے اب جاتا کہاں ہے تیر ناز تجھ کو میرے دل میں رہنا چاہیے توڑ کر بیدمؔ بت پندار کو .دیر کو کعبہ بنانا چاہیے
بیدم شاہ وارثی
![اس کو دنیا اور نہ عقبیٰ چاہیے 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)