ماہ رمضان میں ایک بار پروفیسر حمید احمد خاں، ڈاکٹر سعید اللہ اور پروفیسر عبدالواحد، علامہ اقبال کے گھر پر حاضر ہوئے۔ کچھ دیر بعد مولاناعبدالمجید سالک اور مولانا غلام رسول مہربھی تشریف لے آئے۔ افطاری کے وقت علامہ نے گھنٹی بجاکر نوکر کو بلایا اور اس سے کہا، ’’افطاری کے لئے سنگترے، کھجوریں، کچھ نمکین اور میٹھی چیزیں جو ہوسکے سب لے آؤ۔‘‘ سالک نے عرض کیا، ’’افوہ! اتنا سامان منگوانے کی کیا ضرورت تھی؟‘‘ علامہ نے مسکراتے ہوئے فرمایا، ’’سب کچھ کہہ کر ذرا رعب تو جمادیں، کچھ نہ کچھ تو لائے گا۔‘‘
علامہ اقبال
