اٹھاؤ سر پہ کہ اک تاجور کی چادر ہے نبی کے لال علی کے پسر کی چادر ہے کرم سے جس نے بہائے ہیں چار سو دریا یہ ایسے سید عالی گہر کی چادر ہے محمد عربی کی ہے پاک آل کا عرس حسن حسین کے لخت جگر کی چادر ہے خدا کرے کہ رہے اس کا سایہ سر پہ مرے مرے لیے تو یہی عمر بھر کی چادر ہے نرالی شان کے دولہا ہیں باوا فضل الدیں کہ ان کے دوش پہ ولیوں کے سر کی چادر ہے اٹھا رہے ہیں ملائک بہ احترام و ادب ردائے فضل ہے خیر البشر کی چادر ہے زمانے بھر کے قلندر ہیں رقص و وجد میں آج کہ ان کے شیخ وسیع النظر کی چادر ہے گنہ گار اگر ہوں تو غم نہیں اس کا کہ میرے عیبوں پہ ان کی نظر کی چادر ہے نصیرؔ عرس ہے غوث جلی کی آل کا کے نظر جھکاؤ کہ زہرا کے گھر کی چادر ہے
پیر نصیر الدین نصیر گیلانی
![اٹھاؤ سر پہ کہ اک تاجور کی چادر ہے 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)