اچٹتی سی نظر کے ساتھ مبہم سا پیام آیا کئی مفہوم لے کر ایک حرف ناتمام آیا تصور کی نظر بھی جھک گئی تعظیم دینے کو تخیل کے افق پر کون سا ماہ تمام آیا مخاطب میں نہ تھا لیکن یہی احساس ہوتا ہے کہ مجھ تک بار بار ان کی نگاہوں کا پیام آیا رہی جس کی نظر صیاد کی ایک ایک حرکت پر وہی کم بخت طائر ادبدا کر زیر دام آیا تمہاری یاد جب آئی تو آئی کیف مے بن کر تمہارا ذکر جب آیا تو بن کر دور جام آیا مبارک جذب الفت آج تو وہ میری بالیں پر بہ غرض گفتگو آیا بہ امید کلام آیا
عبدالعزیز فطرت
![اچٹتی سی نظر کے ساتھ مبہم سا پیام آیا 1 IMG 20240311 005241](https://iztirab.com/wp-content/uploads/2024/03/IMG_20240311_005241.jpg)