اک جلوہ مہتاب ہے تشہیر میں شاید گم ہو گیا ہوں اپنی ہی تعبیر میں شاید اٹھتا ہے عجب درد مسلسل مرے دل میں ہے ہاتھ اسی کا مری تعمیر میں شاید آتے ہیں نظر خواب میں چاند اور ستارے گھر سے ہے نکلنا مری تقدیر میں شاید اب حلقہ بھی پڑتا نہیں جس کا کبھی ڈھیلا الجھا ہوا ہوں اک اسی زنجیر میں شاید اب گوش بر آواز ہوئے سارے گراں کوش لذت ہوئی پیدا مری تقدیر میں شاید ہوتا ہے دکن میں کبھی دلی کبھی جموں رہتا ہے فریدؔ اب نہیں کشمیر میں شاید
فرید پربتی
![اک جلوہ مہتاب ہے تشہیر میں شاید 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)