ایک حقیقت کے دو محمل حسن و محبت دونوں ہیں خلوت خلوت محفل محفل حسن و محبت دونوں ہیں سب سے تنہا سب میں شامل حسن و محبت دونوں ہیں کتنے آساں کتنے مشکل حسن و محبت دونوں ہیں اپنے اپنے آئینے میں دیکھتے ہیں منہ اپنا اپنا اپنے اپنے آپ مقابل حسن و محبت دونوں ہیں گاہے راہی گاہے رہزن گاہے رہرو گاہے رہبر گاہے جادہ گاہے منزل حسن و محبت دونوں ہیں ایک حقیقت کے دو پہلو ہر پہلو میں لاکھوں پہلو ہر جلوہ ہر دیدہ ہر دل حسن و محبت دونوں ہیں دانہ دانہ خوشہ خوشہ مزرعہ مزرعہ بجلی بجلی خرمن خرمن حاصل حاصل حسن و محبت دونوں ہیں آپ ہیں دریا آپ ہیں کشتی آپ ہی کشتی باں اپنے گاہے طوفاں گاہے ساحل حسن و محبت دونوں ہیں عشق ذھینؔ ایمان ہے میرا حسن ہے مجھ جاں سے پیارا میری فطرت ہی میں شامل حسن و محبت دونوں ہیں
ذہین شاہ تاجی
![ایک حقیقت کے دو محمل حسن و محبت دونوں ہیں 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)