گلاب چہرے پہ مسکراہٹ چمکتی آنکھوں میں شوخ جذبے وُہ جب بھی کالج کی سیڑھیوں سے سہیلیوں کو لیے اترتی تُو ایسے لگتا تھا جیسے دِل میں اتر رہی ہو کچھ اِس تیقن سے بات کرتی تھی جیسے دنیا اِسی کی آنکھوں سے دیکھتی ہو وُہ اپنے رستے میں دِل بچھاتی ہوئی نگاہوں سے ہنس کہ کہتی تمہارے جیسے بہت سے لڑکوں سے میں یہ باتیں بہت سے برسوں سے سُن رہی ہوں میں ساحلوں کی ہوا ہوں نیلے سمندروں کہ لیے بنی ہوں وُہ ساحلوں کی ہوا سی لڑکی جُو راہ چلتی تُو ایسے لگتا تھا جیسے دِل میں اتر رہی ہو وُہ کل ملی تُو اسی طرح تھی چمکتی آنکھوں میں شوخ جذبے گلاب چہرے پہ مسکراہٹ کے جیسے چاندی پگھل رہی ہو مگر جُو بولی تُو اس کہ لہجے میں وُہ تھکن تھی .کے جیسے صدیوں سے دشت ظلمت میں چل رہی ہو
امجد اسلام امجد
