اے خواجہ عرش آستاں مخدوم صابر کلیری مسند نشین لا مکاں مخدوم صابر کلیری تازہ بہار باغ جہاں مخدوم صابر کلیری سر تا قدم روح و رواں مخدوم صابر کلیری تاج سر کون و مکاں مخدوم صابر کلیری ہیں اس زمیں پر آسماں مخدوم صابر کلیری تصویر جاں تسليم جاں مخدوم صابر کلیری جان جہاں روح و رواں مخدوم صابر کلیری آزاد قید آب و گل فرماں روائے ملک دل سر حیات جاوداں مخدوم صابر کلیری اے قبلۂ اہل یقیں اے کعبۂ ارباب دیں اے سجدہ گاہ قدسیاں مخدوم صابر کلیری دنیائے اسما و صفات آئی نظر محو الجہات تنزیہہ ذاتی کے نشاں مخدوم صابر کلیری تو نوشہ باغ ارم تو یوسف مصر کرم تو خود ہے میر کارواں مخدوم صابر کلیری سرشار کیف سرمدی سالار فوج ایزدی درگاہ حق کے پاسباں مخدوم صابر کلیری یہ سکر ہے یا سہو ہے تو ذات حق میں محو ہے تو ہے نہاں حق ہے عیاں مخدوم صابر کلیری اے رحمۃ اللعالمیں کے جانشین و جاں نشین خلق خدا پر مہرباں مخدوم صابر کلیری جان ذہینؔ بے نوا اے عین تاج الاولیا اے سر گروہ تاجیاں مخدوم صابر کلیری
ذہین شاہ تاجی
![اے خواجہ عرش آستاں مخدوم صابر کلیری 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)