بارود کے بدلے ہاتھوں میں آ جائے کتاب تو اچھا ہو اے کاش ہماری آنکھوں کا اکیسواں خواب تو اچھا ہو ہر پتا نا آسودہ ہے ماحول چمن آلودہ ہے رہ جائیں لرزتی شاخوں پر دو چار گلاب تو اچھا ہو یوں شور کا دریا بپھرا ہے چڑیوں نے چہکنا چھوڑ دیا خطرے کے نشان سے نیچے اب اترے سیلاب تو اچھا ہو ہر بچہ آنکھیں کھولتے ہی کرتا ہے سوال محبت کا دنیا کے کسی گوشے سے اسے مل جائے جواب تو اچھا ہو ہر سال کی آخری شاموں میں دو چار ورق اڑ جاتے ہیں اب اور نہ بکھرے رشتوں کی بوسیدہ کتاب تو اچھا ہو
غلام محمد قاصر
![بارود کے بدلے ہاتھوں میں آ جائے کتاب تو اچھا ہو 1 IMG 20240311 005241](https://iztirab.com/wp-content/uploads/2024/03/IMG_20240311_005241.jpg)