باغ تک کیا کاروان حسن بے پروا گیا بو پریشاں ہے رخ گل کو پسینہ آ گیا میرا ساغر اس طرح چھلکا کہ دل گھبرا گیا اس پہ ساقی کا یہ فرمانا کہ تیرا کیا گیا شوق کی دنیا نرالی ہے کہ راہ شوق میں کارواں جتنا لٹا ذوق زیاں بڑھتا گیا بے کسی پھر ڈھونڈھتی تھی آسرا طوفان میں آپ کا اسم گرامی میرے لب پر آ گیا انتہا پاکیزگی کی اس پہ یہ حسن لباس بوئے گل کو جامہ برگ تازہ کا بخشا گیا ناخدا ساحل کا ساتھی تھا اسے طوفاں سے کام ناخدا کو چھوڑ کر میں موج تک تنہا گیا چشم فطرت ہے بہار غنچہ و گل کی کفیل ابر اٹھا جھوم کر برسا چمن لہرا گیا
عبدالعزیز فطرت
![باغ تک کیا کاروان حسن بے پروا گیا 1 IMG 20240311 005241](https://iztirab.com/wp-content/uploads/2024/03/IMG_20240311_005241.jpg)