بندۂ قادر کا قادر بھی ہے عبدالقادر سرِّ باطن بھی ہے ظاہر بھی ہے عبدالقادر مفتی شرع بھی ہے قاضیٔ ملت بھی ہے علم اسرار سے ماہر بھی ہے عبدالقادر منبع فیض بھی ہے مجمع افضال بھی ہے مہرعرفاں کا منور بھی ہےعبدالقادر قطب ابدال بھی ہے محورِ ارشاد بھی ہے مرکزدائرۂ سر بھی ہے عبدالقادر سلکِ عرفاں کی ضیا ہے یہی درمختار فخرِ اشباہ ونظائر بھی ہے عبدالقادر اس کے فرمان ہیں سب شارح حکم شارع مظہر ناہی و آمر بھی ہے عبدالقادر ذی تصرف بھی ہے ماذون بھی مختار بھی ہے کارِ عالم کا مدبر بھی ہے عبدالقادر رشکِ بلبل ہے رضاؔ لالۂ صد داغ بھی ہے آپ کا واصف و ذاکر بھی ہے عبدالقادر
احمد رضا خاں بریلوی
![بندۂ قادر کا قادر بھی ہے عبدالقادر 1 IMG 20240311 005241](https://iztirab.com/wp-content/uploads/2024/03/IMG_20240311_005241.jpg)