بھیتر بسنے والا خود باہر کی سیر کرے مولیٰ خیر کرے
اک مورت کو چاہے پھر کعبے کو دیر کرے مولیٰ خیر کرے
عشق وشق یہ چاہت واہت من کا بھلاوا پھر من بھی اپنا کیا
یار یہ کیسا رشتہ جو اپنوں کو غیر کرے مولیٰ خیر کرے
ریت کا تودا آندھی کی فوجوں پر تیر چلائے ٹہنی پیڑ چبائے
چھوٹی مچھلی دریا میں گھڑیال سے بیر کرے مولیٰ خیر کرے
سوچ کہ کافر ہر مورت پہ جان چھڑکتا ہے بن پاؤں تھرکتا ہے
من کا مسلماں اب قبلے کی جانب پیر کرے مولیٰ خیر کرے
فکر کی چاک پہ ماٹی کی تو شکل بدلتا ہے یا خود ہی ڈھلتا ہے
بیکلؔ بے پر لفظوں کی تخئیل کو طیر کرے مولیٰ خیر کرے
بیکل اتساہی