بہ جذب دل بہ ناز آگہانہ جبیں ہے بے نیاز آستانہ سلامت اپنا سوز باغیانہ بنے گا بجلیوں میں آشیانہ جھکیں گے چاند سورج میرے آگے اٹھے گی جب نگاہ غازیانہ چمن ہی کے بدل دیں کیوں نہ دستور قفس کو کیا بنائیں آشیانہ ہیں سب پرچھائیاں عزم و عمل کی بگڑتا ہے نہ بنتا ہے زمانہ خودی و بے خودی دونوں ہیں دھوکے نہ ہو جب تک نگاہ عارفانہ حقیقت کو زیادہ چھاننے سے حقیقت بھی نہ بن جائے فسانہ زمیں کو ہم ملا دیں گے فلک سے جب اٹھیں گے بہ زعم شاعرانہ پرکھ لیتا ہوں ہر اچھے برے کو شفاؔ نظریں ہیں میری ناقدانہ
شفا گوالیاری
