تجھ سے یوں دوستی نبھاؤں گی اب کبھی لوٹ کر نہ آؤں گی تو نے چاہی ہے میری بربادی اب میں آباد ہو نہ پاؤں گی دیکھ سب کچھ ہی سہہ لیا میں نے تو نے سوچا تھا ٹوٹ جاؤں گی دل میں اشکوں کا ایک دریا ہے ان میں یادیں تری بہاؤں گی یاد کر کے مجھے تو روۓ گا میں تجھے اس طرح بھلاؤں گی اب ترے نام پر نہ دھڑکے گا دل کو میں بے حسی سکھاؤں گی جاہ و حشمت کی آرزو کب ہے میں فقط آبرو بچاؤں گی راستے میں رہی سدا حائل اب یہ دیوار ، در بناؤں گی شب کے تاروں سے روشنی لے کر اک چراغ سحر جلاؤں گی
عاصمہ فراز
