تجھ کو فرصت سے سوچتا ہے کوئی اس طرح تجھ کو چاہتا ہے کوئی تو نہیں ہے مگر ہر اک رہ میں آج بھی تجھ کو دیکھتا ہے کوئی غم کے عالم میں رات بھر تنہا تیری خاطر ہی جاگتا ہے کوئی جس کو دیکھے زمانہ بیت گیا پھر اسی کو ہی کھوجتا ہے کوئی جی تو لیتے ہیں ہم جدا ہو کر دل سے لیکن نہ بھولتا ہے کوئی سانس لیتا ہے پر نہیں زندہ زندگی یوں گزارتا ہے کوئی جانے والے سے جا کے کہہ دو یہ .تجھ کو دل سے پکارتا ہے کوئی
عاصمہ فراز
