تری چادر محمدؐ مصطفیٰ کے در سے آئی ہے یہ چادر حضرت صدیق نے سر پر اٹھائی ہے عمر فاروق عثمان غنی شیر خدا سب نے محبت سے یہ چادر اپنی آنکھوں سے لگائی ہے جناب حضرت حسنین و زہرا نے اسے اوڑھا یہ وہ چادر ہے جو ناموس آل مصطفائی ہے یہ قطب الدیں فریدالدیں نظام الدیں نے چادر مزار خواجۂ مہر علی شاہ پر چڑھائی ہے یہ وہ چادر ہے اس کی شان و شوکت کیا بتاؤں میں عیاں اس سے معین الدیں کی شان دلربائی ہے تو وہ سلطان اعلٰی شان ہے اے سید والا کہ بڑھ کر سلطنت سے آپ کے در کی گدائی ہے نصیرؔ اس کو فرشتے دیکھ کر حیرت سے کہتے ہیں کہ یہ چادر مبارک دست قدرت نے بنائی ہے
پیر نصیر الدین نصیر گیلانی
