جب جھونکا ہوا کا آتا ہے پتی پتی کو ہلاتا ہے اور جب پھلواری جھوم اٹھے جیسے آتا ہے جاتا ہے جب آتے ہوئے روکا نہ تمہیں پھر جاتے ہوئے کیوں روکیں گے جب رات جگت پر چھاتی ہے تاروں کی سبھا جماتی ہے سب آنکھ مچولی کھیلتے ہیں جب آئے سویرا جاتی ہے جب آتے ہوئے روکا نہ تمہیں پھر جاتے ہوئے کیوں روکیں گے آتی رت کوئی نہ روک سکا جاتی رت کوئی نہ روک سکا جگ میں دل کا دکھ دل کا سکھ لاتی رت کوئی نہ روک سکا جب آتے ہوئے روکا نہ تمہیں پھر جاتے ہوئے کیوں روکیں گے یہ آنا جانا بہانا ہے اور پل کا ملنا فسانہ ہے جو آئے پئے پی کر چل دے جیون ایسا مے خانہ ہے جب آتے ہوئے روکا نہ تمہیں پھر جاتے ہوئے کیوں روکیں گے
میراجی
![جب آتے ہوئے روکا نہ تمہیں پھر جاتے ہوئے کیوں روکیں گے 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)