جب زلف شریر ہو گئی ہے خود اپنی اسیر ہو گئی ہے جنت کے مقابلے میں دنیا آپ اپنی نظیر ہو گئی ہے جو بات تری زباں سے نکلی پتھر کی لکیر ہو گئی ہے ہونٹوں پہ ترے ہنسی مچل کر جلووں کی لکیر ہو گئی ہے جو آہ مری زباں سے نکلی ارجن کا وہ تیر ہو گئی ہے شاید کوئی بے نظیر بن جائے وہ بدر منیر ہو گئی ہے اے باد صبا تو چھو کے گیسو خوشبو کی سفیر ہو گئی ہے آواز شکست دل ہی عنواںؔ آواز ضمیر ہو گئی ہے
عنوان چشتی
![جب زلف شریر ہو گئی ہے 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)