جس کی قسمت میں غم پرستی ہے بس وہی کامیاب ہستی ہے رات دن صرف غم پرستی ہے دل کی ہستی عجیب ہستی ہے میرے قدموں پہ سر ہے دنیا کا کس کا پردہ حجاب ہستی ہے ہر کمال اک زوال ہے یعنی ہر بلندی دلیل پستی ہے اف رے ناکامیاں محبت کی اب اثر کو دعا ترستی ہے ہو خودی پر جو بے خودی غالب خود پرستی خدا پرستی ہے خاک مدفن فلک نشیں ہے آج کس بلندی پہ میری پستی ہے اے شفاؔ جو ہے غم سے بیگانہ اس کو کیا خاک لطف ہستی ہے
شفا گوالیاری
