جو بے ثبات ہو اس سر خوشی کو کیا کیجے یہ زندگی ہے تو پھر زندگی کو کیا کیجے رکا جو کام تو دیوانگی ہی کام آئی نہ کام آئے تو فرزانگی کو کیا کیجے یہ کیوں کہیں کہ ہمیں کوئی رہنما نہ ملا مگر سرشت کی آوارگی کو کیا کیجے کسی کو دیکھ کے اک موج لب پہ آ تو گئی اٹھے نہ دل سے تو ایسی ہنسی کو کیا کیجے ہمیں تو آپ نے سوز الم ہی بخشا تھا جو نور بن گئی اس تیرگی کو کیا کیجے ہمارے حصے کا اک جرعہ بھی نہیں باقی نگاہ دوست کی مے خانگی کو کیا کیجے جہاں غریب کو نان جویں نہیں ملتی وہاں حکیم کے درس خودی کو کیا کیجے وصال دوست سے بھی کم نہ ہو سکی راشدؔ ازل سے پائی ہوئی تشنگی کو کیا کیجے
ن م راشد
![جو بے ثبات ہو اس سر خوشی کو کیا کیجے 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)