جو جلوہ گاہ یار ہے وہ دل یہی تو ہے ہم جس جگہ ہیں حسن کی منزل یہی تو ہے خود کو نہ دیکھنا ہے تجھے دیکھنے کی شرط جو درمیاں حجاب ہے حائل یہی تو ہے ہر ذرہ دل فریب ہے ہر جلوہ جاں نواز ہر گام پر گماں ہے یہ منزل یہی تو ہے ہلکی سی ایک موج تبسم میں بہہ گیا جو بحر بے کنار تھا وہ دل یہی تو ہے اب ہر ادائے حسن پہ ہوتا ہے یہ گماں جو لوٹ لے گئی ہے مرا دل یہی تو ہے دل مجھ سے کہہ رہا ہے ترے دل کی بات بھی آئینہ آئینے کے مقابل یہی تو ہے دونوں جہاں کو تیری محبت میں بھولنا اک بات یاد رکھنے کے قابل یہی تو ہے اے دوستو ذہینؔ کو پہچانتا ہوں میں سب سے الگ جو سب میں ہے شامل یہی تو ہے
ذہین شاہ تاجی
![جو جلوہ گاہ یار ہے وہ دل یہی تو ہے 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)