جہاں تک عشق کی توفیق ہے رنگیں بناتے ہیں وہ سنتے ہیں ہم ان کو سر گذشت دل سناتے ہیں ادھر حق الیقیں ہے اب وہ آتے اب وہ آتے ہیں ادھر انجم مری اس ذہنیت پر مسکراتے ہیں شب غم اور مہجوری یہ عالم اور مجبوری ٹپک پڑتے ہیں آنسو جب وہ ہم کو یاد آتے ہیں وہیں سے درس حسن و عشق کا آغاز ہوتا ہے جہاں سے واقعات زندگی ہم بھول جاتے ہیں ہمیں کچھ عشق کے مفہوم پر ہے تبصرہ کرنا اک آہ سرد کو عنوان شرح غم بناتے ہیں بہا کر اشک خوں کھینچی تھیں جو آئینہ دل میں ہم ان موہوم تصویروں کو اب رنگیں بناتے ہیں شباب زندگی جلووں کا اک معصوم نظارہ ہمیں اے دل وہ افسانے ابھی تک یاد آتے ہیں
دل شاہجہاں پوری
![جہاں تک عشق کی توفیق ہے رنگیں بناتے ہیں 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)