حادثوں سے بے خبر تھے لوگ دھرتی پر تمام آسماں کی نیلگوں آنکھوں میں تھے منظر تمام رفتہ رفتہ رسم سنگ باری جہاں سے اٹھ گئی دھیرے دھیرے ہو گئے بستی کے سب پتھر تمام تشنہ لب دھرتی پہ جب بہتا ہے پیاسوں کا لہو مدتوں مقتل میں سر خم رہتے ہیں خنجر تمام زندگی بکھری ہوئی ہے اس طرح فٹ پاتھ پر بستیاں آباد ہیں اور لوگ ہیں بے گھر تمام شاہراہیں دفعتاً شعلے اگلنے لگ گئیں گھر کی جانب چل پڑا ہے شہر گھبرا کر تمام صبح کے سارے اجالے راستوں میں کھو گئے شب کے اندھیاروں میں گم ہیں شام کے منظر تمام اب کہاں وہ لوگ وہ رونق وہ نغمے وہ فضا شہر کی گلیاں ہیں سونی سونے بام و در تمام
عابد ادیب
