خاک یا کہکشاں سے اٹھتا ہے درد آخر کہاں سے اٹھتا ہے ہے عجب جائے امن قریۂ دل حشر سارا جہاں سے اٹھتا ہے دیکھ اے آہ ساکنان زمیں اک غبار آسماں سے اٹھتا ہے پہلے یہ خار و خس جلاتا تھا شعلہ اب گلستاں سے اٹھتا ہے مسئلہ خاطر پریشاں کا خواہش رائیگاں سے اٹھتا ہے اک خلا ہے جو پر نہیں ہوتا جب کوئی درمیاں سے اٹھتا ہے شاہکار سخن ہے مصرع میرؔ کب یہ تجھ ناتواں سے اٹھتا ہے
سید امین اشرف
![خاک یا کہکشاں سے اٹھتا ہے 1 IMG 20240311 005241](https://iztirab.com/wp-content/uploads/2024/03/IMG_20240311_005241.jpg)