دریا کے پاس کوئی کنارہ نہیں رہا قسمت کا ساتھ میرے ستارہ نہیں رہا اپنوں کا ایک ہجوم تھا ساحل پہ مستقل ڈوبتے تو تنکے کا بھی سہارا نہیں رہا یادوں کا تیری چھن گیا جب اختیار بھی کچھ بھی تو میرے یار ہمارا نہیں رہا دامن میں چند یادیں ہیں گزرے دنوں کی بس خوش بختیوں کا کوئی اشارہ نہیں رہا پہلے تو ٹھیک تھا وہ مگر بگڑا اس طرح جب میں نے کہہ دیا کہ گزارا نہیں رہا تجھ کو بھلا کہ ہم بھی زمانے کے ہوگئے اب پاس اپنے کوئی بھی چارہ نہیں رہا خیرات کی طرح سے محبت بھی مانگتے .آسی کو یہ کبھی بھی گوارا نہیں رہا
عاصمہ فراز
