اے راجہ پرجا کے مالک اے ساری دنیا کے مالک اے دونوں عالم کے داتا تیرا نہیں کسی سے ناتا کوئی نہیں ہے تیرا ہمسر تو ہے سب سے بالا برتر ہم ہیں تیرے در کے بھکاری شرم ہے تیرے ہاتھ ہماری جس کو چاہے عزت دے دے جس کو چاہے ذلت دے دے عزت ذلت کا تو مالک دوزخ جنت کا تو مالک مالک تو دونوں عالم کا خالق تو جن و آدم کا چاہتے ہیں ہم تجھ سے عزت دے دے مولا دے دے عزت عزت دے ہم کو دنیا میں راحت دے ہم کو عقبیٰ میں علم و عمل میں حصہ دے کر کر دے ہم کو سب سے بہتر یاد سے اپنی شاد ہمیں کر دنیا میں آباد ہمیں کر عقل بھی دے اور علم عطا کر فہم بھی دے اور حلم عطا کر جس سے تو ہو راضی مولا بات وہی ہے اچھی مولا طاعت کا اپنی چسکا دے اپنی الفت کا سودا دے عشق کی بو موجود ہو دل میں تو ہی تو موجود ہو دل میں بن جائے ہر کام ہمارا حق پر ہو انجام ہمارا
سیماب اکبر آبادی
![دعا 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)