اے سنسار بنانے والے سورج کو چمکانے والے خاک سے پھول اگانے والے دریاؤں کو بہانے والے میرے خالق میرے آقا ہنستا ہنستا چاند نکالا ٹھنڈی ٹھنڈی کرنوں والا کرتا ہے راتوں کو اجالا تو نے بخشا اس کو اجالا میرے خالق میرے آقا ماں کی محبت باپ کا سایہ میں نے تیرے کرم سے پایا بھائی بہن کا پیار دکھایا کیسا اچھا رشتہ بنایا میرے خالق میرے آقا اچھا لڑکا مجھ کو بنانا سیدھے رستے مجھ کو چلانا جس نے کہا ہے تیرا مانا سب نے اس کو اچھا جانا میرے خالق میرے آقا تجھ کو پوجوں تجھ کو جانوں حکم ترا خوش ہو کر مانوں عقل وہ دے تجھ کو پہچانوں گمراہی کی خاک نہ چھانوں میرے خالق میرے آقا
تلوک چند محروم
![دعا 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)