دل میں ترے اے نگار کیا ہے ہوتا نہیں ہمکنار کیا ہے آیا جو دم وہ ہے غنیمت اس زیست کا اعتبار کیا ہے ہیں سیب سے بھی وہ چھاتیاں سخت آگے ان کے انار کیا ہے دنیا کے یہ سب ڈھکوسلے ہیں تربت کیسی مزار کیا ہے جو جو وہ رنج دیں اٹھاؤ جب دل ہی دیا تو عار کیا ہے طاؤس سے چھیڑ چھاڑ کیسی ہاں اے دل داغدار کیا ہے مژگاں کا ہے میرے دل میں کھٹکا اے خوشبوئے نوک خار کیا ہے میں چاہتا ہوں اسے نہ چاہوں دل پر مرا اختیار کیا ہے بوسہ کی طلب کہ وصل کا ذکر فرمائیے ناگوار کیا ہے دوڑوں تو مجھے صبا نہ پائے پیدل کیسا سوار کیا ہے مٹی مری خاک میں ملائی مجھ سے ان کو غبار کیا ہے ہے کیا آغاؔ تڑپ رہا ہے کیوں کہتے ہو بار بار کیا ہے
آغا اکبرآبادی
