دل میں رہ جاتے ہیں سب لوگ بھلانے والے ہم ہیں ہر حال میں رشتوں کو نبھانے والے ہم نے تا عمر تجھے من میں بسائے رکھا رنج تو اور بھی تھے دل سے لگانے والے کیا کوئی رنگ ہے جو مجھ کو مکمل کر دے میری تصویر کو رنگوں سے سجانے والے ایسا لگتا تھا مجھے کھو کے بدل جائے گا آج بھی اس کے ہیں انداز پرانے والے میری پہچان تو دنیا میں تھی تجھ سے لیکن اب نئے ڈھنگ سے جانیں گے زمانے والے مجھ کو جانا ہے کسی اور ہی منزل کی طرف اب مجھے یاد نہ کر چھوڑ کے جانے والے میں نےاس واسطے اس آگ کو بجھنے نہ دیا .میرے اپنے تھے مجھے زندہ جلانے والے
عاصمہ فراز
![دل میں رہ جاتے ہیں سب لوگ بھلانے والے 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)