رنج اور رنج بھی تنہائی کا وقت پہنچا میقری رسوائی کا عمر شاید نہ کرے آج وفا کاٹنا ہے شب تنہائی کا تُم نے کیوں وصل میں پہلو بدلا کس کو دعویٰ ہے شکیبائی کا ایک دن راہ پہ جا پہنچے ہم شوق تھا بادیہ پیمائی کا اِس سے نادان ہی بن کر ملیے کچھ اجارہ نہیں دانائی کا سات پردوں میں نہیں ٹھہرتی آنکھ حوصلہ کیا ہے تماشائی کا درمیاں پائے نظر ہے جب تک ہم کو دعویٰ نہیں بینائی کا کچھ تُو ہے ، قدر تماشائی کی ہے جو یہ شوق خود آرائی کا اس کو چھوڑا تو ہے لیکن اے دل مُجھ کو ڈر ہے تیری خود رائی کا بزم دشمن میں نہ جی سے اترا پوچھنا کیا تیری زیبائی کا یہی انجام تھا اے فصل خزاں گل و بلبل کی شناسائی کا مدد اے جذبۂ توفیق کے یاں ہو چکا کام توانائی کا محتسب عذر بہت ہیں لیکن اذن ہم کو نہیں گویائی کا ہوں گے حالیؔ سے بہت آوارہ .گھر ابھی دور ہے رسوائی کا
الطاف حسین حالی
![رنج اور رنج بھی تنہائی کا 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)