رنگ غزل میں دل کا لہو بھی شامل ہو خنجر جیسا بھی ہو لیکن قاتل ہو اس تصویر کا آب و رنگ نہیں بدلا جانے کب یہ دل کا نقش بھی باطل ہو شور فغاں پر اتنی بے چینی کیسی تم سے کیا تم کون کسی کے قاتل ہو دیکھ کبھی آ کر یہ لا محدود فضا تو بھی میری تنہائی میں شامل ہو میں کہ ہوں ایک تھکا ہارا اور ماندہ شخص میری انا کہتی ہے میرے مقابل ہو زیبؔ سوال اب یہ ہے تجھے پہچانے کون کس کی نظر اس گہرائی کی حامل ہو
زیب غوری
![رنگ غزل میں دل کا لہو بھی شامل ہو 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)