روشنی کے روپ میں خوشبو میں یا رنگوں میں آ میں تجھے پہچان لوں گا کتنے ہی چہروں میں آ بند آنکھوں میں بھی کیا ہوگی تری بے پردگی چھین لے مجھ سے یہ نیندیں یا مرے خوابوں میں آ ناچ اٹھے رقاصۂ جاں دھڑکنوں کی تھاپ پر ساز ہاتھوں میں اٹھائے دل کے سناٹوں میں آ تو جو شرماتا ہے میرے سامنے آتے ہوئے اوڑھ لے میرا تصور پھر مری باہوں میں آ کر دیے ہیں زندگی نے مختلف حصے مرے مجھ سے ملنا ہے اگر بٹ کر کئی سایوں میں آ شہر میں بھی خاک اڑاتی پھر رہی ہیں وحشتیں چھوڑ ویرانے مظفرؔ اب گلی کوچوں میں آ
مظفر وارثی
![روشنی کے روپ میں خوشبو میں یا رنگوں میں آ 1 IMG 20240311 005241](https://iztirab.com/wp-content/uploads/2024/03/IMG_20240311_005241.jpg)