زمانے بھر کی نظر میں جاناں ہمارے تم ہی تو چارہ گر ہو تمہارا بنتا ہے جان لینا کہ ان لبوں پہ جو اک ہنسی ہے وہ عارضی ہے یہ غم چھپانے کی اک سعی ہے ہمارے دل میں دکھوں کا موسم ہی دائمی ہے ہماری آنکھوں کے پار اترو تو تم یہ جانو کہ ان میں کتنےسہانے خوابوں کی میتیں ہیں جو بے کفن ہیں ہمارے دل میں دبی دبی سی جو حسرتیں ہیں وہ بال کھولے انھی کی لاشوں پہ روز و شب بین کر رہی ہیں کہ ان کی چیخوں کے شور سے اب ہمارے کانوں کے بند پردے بھی پھٹ رہے ہیں کوئی نہیں ہے جو آکے ان کے دکھوں پہ روئے کہ ان کو تھامے اور ان کے دکھ میں کوئی بھی ان کو تسلی دے دے ہمارے خوابوں کے سب جنازے جو ہر جگہ پر پڑے ہوئے ہیں وہ منتظر ہیں کہ کوئی آئے بھلے نا ان کو وہ زندگی دے مگر وہ اتنا تو کرتا جائے تڑپتی لاشوں پہ رحم کھائے اٹھا کے ہاتھوں میں خاک اپنے وہ میتوں پر ہی ڈال جائے تمہیں تو یہ بھی پتہ نہیں ہے کہ دل کے ارمان مر چکے ہیں کہ اب تو کچھ بھی بچا نہیں ہے کبھی جو فرصت ملے تو آؤ ہماری آنکھوں کے پار اترو یہاں پہ جتنی بھی میتیں ہیں انھیں گھڑی بھر کو تم بھی رو لو نا رو سکو تو چلے ہی آؤ تمہاری آہٹ کی چاپ سن کر یہ جی اٹھیں گی وگرنہ یونہی ہمارے دل کے .یہ سرد خانے پڑی رہیں گی
عاصمہ فراز
