زندگی اک درد و غم کا ساز ہے موت جس کی آخری آواز ہے دل ہمارا درد سے خالی نہ کر یہ ہماری زندگی کا راز ہے واں تو آئینہ ہے مشق ناز ہے منتشر یاں زندگی کا ساز ہے آج پھر برسیں گے نغمے بزم میں آج پھر ہاتھوں پہ اس کے ساز ہے سن رہا ہوں دل سے نغموں کی صدا دوست سے ملتی ہوئی آواز ہے ہر نشانہ دل پہ لگتا ہے مرے کون کہنہ مشق تیر انداز ہے نغمہ باز اک زندگی کا ساز ہے دہر کا ہر ذرہ ہم آواز ہے جل رہا ہے جسم کا خاکی قفس طائر جاں مائل پرواز ہے ختم کر عالیؔ فسانہ ختم کر سننے والا محو خواب ناز ہے
عالی گوپالوری
![زندگی اک درد و غم کا ساز ہے 1 IMG 20240311 005241](https://iztirab.com/wp-content/uploads/2024/03/IMG_20240311_005241.jpg)