سراپا حسن بھی تم ہو سراپا عشق بھی تم ہو یہ اپنی زندگی تم ہو کہ میری زندگی تم ہو تمہارا حسن کامل ہر کمی سے پاک ہے لیکن محبت لاکھ کامل کیوں نہ ہو اس کی کمی تم ہو یہی دو زاویہ فکر و نظر کے ہیں محبت میں کبھی تم ہو وہی میں ہوں کبھی میں ہوں وہی تم ہو مبارک تم کو شان بے نیازی اے بتو لیکن تمہیں ناز محبت ہو غرور بندگی تم ہو بفیض بت پرستی تم ذہینؔ اللہ والے ہو خدا یاد آئے جس کو دیکھ کر وہ آدمی تم ہو
ذہین شاہ تاجی
