سو چاند بھی چمکیں گے تو کیا بات بنے گی تم آئے تو اس رات کی اوقات بنے گی ان سے یہی کہہ آئیں کہ اب ہم نہ ملیں گے آخر کوئی تقریب ملاقات بنے گی اے ناوک غم دل میں ہے اک بوند لہو کی کچھ اور تو کیا ہم سے مدارات بنے گی یہ ہم سے نہ ہوگا کہ کسی ایک کو چاہیں اے عشق ہماری نہ ترے ساتھ بنے گی یہ کیا ہے کہ بڑھتے چلو بڑھتے چلو آگے جب بیٹھ کے سوچیں گے تو کچھ بات بنے گی
جاں نثاراختر
![سو چاند بھی چمکیں گے تو کیا بات بنے گی 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)