شکست شوق کو تکمیل آرزو کہیے جو تشنگی ہو تو پیمانہ و سبو کہیے خیال یار کو دیجیے وصال یار کا نام شب فراق کو گیسوئے مشک بو کہیے چراغ انجمن حیرت نظارہ تھے وہ لالہ رو جنہیں اب داغ آرزو کہیے مہک رہی ہے غزل ذکر زلف خوباں سے نسیم صبح کی مانند کو بہ کو کہیے شکایتیں بھی بہت ہیں حکایتیں بھی بہت مزا تو جب ہے کہ یاروں کے رو بہ رو کہیے بہ حکم کیجیے پھر خنجروں کی دل داری دہان زخم سے افسانۂ گلو کہیے
علی سردار جعفری
![شکست شوق کو تکمیل آرزو کہیے 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)