طاری ہے اہل جبر پہ ہیبت حسین کی اللہ رے یہ شان جلالت حسین کی کٹوا کے سر گواہی توحید دے گئے بے مثل ہے جہاں میں شہادت حسین کی سونگھی تھی لے کے ہاتھ میں دشت بلا کی خاک نانا کے سامنے تھی مصیبت حسین کی کرتے قبول بیعت فاسق وہ کس طرح دست محمدی پہ تھی بیعت حسین کی پیش نظر حصول نہ تھا تخت و تاج کا تھی ظلم کے خلاف بغاوت حسین کی نرمی وہی خلوص وہی سادگی وہی ملتی تھی مصطفیٰ سے طبیعت حسین کی رکھتے ہیں اپنی یاد سے آباد میرا دل ہے مجھ پہ یہ نصیرؔ عنایت حسین کی نکلا وہ ذوالجناح علم کے جلوس میں کر لو نصیرؔ بڑھ کے زیارت حسین کی
پیر نصیر الدین نصیر گیلانی
![طاری ہے اہل جبر پہ ہیبت حسین کی 1 IMG 20240311 005124](https://iztirab.com/wp-content/uploads/2024/03/IMG_20240311_005124.jpg)