عبث ڈھونڈا کئے ہم ناخداؤں کو سفینوں میں وہ تھے آسودہ ساحل ملے ساحل نشینوں میں وہ اوروں کے بتوں کو توڑنے والوں کو دیکھو تو چھپائے پھرتے ہیں اپنے بتوں کو آستینوں میں ہماری بیکسی اور ناتوانی کا خدا حافظ کہ تلواریں ہیں پنہاں رہبروں کی آستینوں میں چھلک جاتی ہے اشک گرم بن کر میری آنکھوں سے ٹھہرتی ہی نہیں صہبائے درد ان آبگینوں میں مرے اشعار ہیں آئینہ سوز دروں بزمیؔ .جھلکتا ہے مرا خون جگر ان آبگینوں میں
عبدالرحمان بزمی
