عشرت حال میں اندیشہ فردا کرنا میرے مشرب میں نہیں یہ غم بے جا کرنا فکر انجام نہیں فرض کسی مے کش پر ہاں مگر بادہ آغاز کی پروا کرنا محو نظارہ زمانہ ہے مگر حاصل دید ایسا آساں نہیں دنیا کا نظارا کرنا حاصل زیست ہے کیا مے کدہ ہستی میں تلخیٔ بادہ امید گوارا کرنا دیکھ اے بے خودی شوق پرستش ہوشیار حسن خوددار کو محفل میں نہ رسوا کرنا لاکھ معیوب نہ ہو پھر بھی نہیں مستحسن حضرت دوست میں اظہار تمنا کرنا سو طریقے ہیں پرستش کے اگر ذوق ہو کچھ کیا بڑی بات ہے کوئی اسے سجدہ کرنا ترک مے کفر ہے اے رازؔ مرے مشرب میں عین ایماں ہے سر ساغر و مینا کرنا
راز چاندپوری
