عشق مُجھ کو نہیں وحشت ہی سہی مری وحشت تیری شہرت ہی سہی قطع کیجے نہ تعلق ہم سے کچھ نہیں ہے ، تو عداوت ہی سہی مرے ہونے میں ہے ، کیا رسوائی اے وہ مجلس نہیں خلوت ہی سہی ہم بھی دشمن تو نہیں ہیں اپنے غیر کو تُجھ سے محبت ہی سہی اپنی ہستی ہی سے ہو ، جو کچھ ہو آگہی گر نہیں غفلت ہی سہی عمر ہرچند کے ہے ، برق خرام دل کہ خوں کرنے کی فرصت ہی سہی ہم کوئی ترک وفا کرتے ہیں نہ سہی عشق مصیبت ہی سہی کچھ تو دے اے فلک ناانصاف آہ و فریاد کی رخصت ہی سہی ہم بھی تسلیم کی خو ڈالیں گے بے نیازی تیری عادت ہی سہی یار سے چھیڑ چلی جائے اسدؔ . گر نہیں وصل تو حسرت ہی سہی
مرزا غالب
