عکس ہر روز کسی غم کا پڑا کرتا ہے دل وہ آئینہ کہ چپ چاپ تکا کرتا ہے بہتے پانی کی طرح درد کی بھی شکل نہیں جب بھی ملتا ہے نیا روپ ہوا کرتا ہے رنگ سا روز بکھر جاتا ہے دیواروں پر کچھ دیئے جیسا دریچے میں جلا کرتا ہے میں تو بہروپ ہوں اس کا جو ہے میرے اندر وہ کوئی اور ہے جو مجھ میں جیا کرتا ہے جانے وہ کون ہے جو رات کے سناٹے میں کبھی روتا ہے کبھی خود پہ ہنسا کرتا ہے روز راہوں سے گزرتا ہے صداؤں کا جلوس دل کا سناٹا مگر روز بڑھا کرتا ہے
بشر نواز
